الذيب 00 ياعز الخوي

وجدت احد الأخوان يسئل ويطلب من الاخ : بدر الألبد

قصيدة الذيب للشاعر : صالح ظاهر البلوي

وها

أنا

اضعها بين يديكم

مع مجاراتي لها .. عسى ان ينلن رضاكم
.
.

قصيد اخي ابو متعب : صالح ظاهر الميهوبي
... وردي عليها

ما خبرت الذيب تجْليه الحصاني=لين شفة الذيب في وكره سجين
دارت الدنيا ودار إبها زماني=والزمن لا دار دوراته تبين
واتفكر فيه يوم انه عصاني= وأتلين في يدينه مايلين
الله اكبر من زمتني في زماني=في زمان شاخت القوم العفين
أه00من لوعات لاعت في كياني=مختفيها كأنها سراً دفين
لو يبوح إبها ا ابو فيصل لساني=اعزني ياذيب واالذكرى حنين
وقتنا هذا يا ابو فيصل هواني=ما يعيش بوقتنا حراً فطين
ما يعيش الا بليد القلب جاني=لا يظام ولا يظيم ومستهين
وقتنا اللي راح وفعول اليماني=يوم وقع الراس تسمع له دنين
يوم بيت العز ينصب بالعلاني=عزوة اللي ظامه الوقت وغبين
ويوم قول الحق ما عوًد مثاني=تمظي حقوق العرب سلواً ثمين
ومن فعل طيب ذاك الوقت باني=ينذكر بالطيب والجاحد لعين
وفي نهاية ما كتبت بذا البناني=كبر فراشك وغمض لا تبين

* صالح ظاهر الميهوبي
__________________



وقد جاريته بهذه الابيات المتواضعه
.
.

ما حسبت الحر يطرحه الهداني=حتى شفت الحر يجر الونين
الزمان يدور ساعات وثواني=تمضي الايام وشهور وسنين
تقفي الايام واقف في مكاني=من بلاويها ترى قلبي حزين
أتخيل ياعرب والعلم ثاني=في زمان العفن مقصور اليدين
االزمن والله صالح حداني=مثلكم يا اخوك قلبي مستكين
قبلكم شربت لوعات الزماني=لوعتي والغبن في كاسه تبين
اتخذت الصبر يوم الله هداني=ومن صبر ياخوك يبشر باليقين
وقتنا باخوك ذا وقت الحصاني=والذيابه يا ابو ظاهر ماتبين
في زمان راح يشهدن السناني=والركايب والمهار ألها رطين
والدلال الصفر مع جر الصواني=ومن دخل بيت الشعر يصبح زبين
يوم بعض الناس تخطي بالمعاني=يجلس المحقوق ويقدم ضمين
التزمت الصمت والصمت اشتكاني=الصبر والصمت عاده للفطين
لو يعود الوقت في عصر العناني= كان نركب فوقهن في كل حين
في ختام القول يا صالح تراني=ما لقيت اللي نحطه على اليمين

* محمد ظاهر الميهوبي