قصيده: اصعب قرار اليا اتخذته الحالــــــــــك

اصعب قرار اليا اتخذته الحالك=وماصار في قصدك وخالف ظناينك
واصعب قرار اليا نويت اعتزالك=واصعب قرار اليا اكتشفت الخطاء منك
واصعب قرار انك تزعل عيالك=وتصير في عالم من الهم والظنك
واصعب قرار اليا نويت ارتحالك=وقررت ترحل عن مقرك وموطنك
ومن الندم تضرب يمينك شمالك =وبنات فكرك جت من ايسرك وايمنك
واصعب قرار ان راح حقك ومالك=عند العفون اللي بلاشي ترهنك
اللي من اول باع لك وشترالك=يفتح لك البيبان وموظف البنك
اللي من اجله كل واحد يسالك=يرعاك في عينه وبالذهن يذهنك
واصعب قرار ان صار خصمك اقبالك=بلا خطاء منك يسبك ويلعنك
واصعب قرار اليا ردى فيك خالك=بلا سبب منك يزلك ويركنك
واصعب قرار اليا ارتكبت التهالك=ومشيت في دربك وضاعت ضعاينك
واصعب قرار ان جاك واحد وقالك=واقنعك في قوله وبالقول جننك
بأقرب قريب الناس قام وحكالك=وشكيت بالرجال والشك دندنك
وياطالب العليا عسى المجد فالك=مادام ودك بالعلالي مساكنك

لعبد الكريم الصويدر-شاعرنا واستاذنا ومفكرنا
ياناس خذوها وبروزوها
كحكم من شاعر حكم
اتخذ القرار
لريكم
كيف يكون القرار
ابو صويدر
لا عدمناك منهلا ننهل منه كل عذب لا يشابهه عذب
منفرد ومتميز باسلوبك
ان كان رد
او نظم
لقبك مني قرار الشعر عند ابو صويد