العرادي والميهوبي في مجاراه؟

هذه القصيده موجهه لي
من الاخ حمود سالم االعرادي البلوي
والذي فاز في مسابقة المجالس بالمركز الرابع
وانا في المركز الثامن على مستوى الخليج

اليكم احبتي قصيدة ابو سلطان

سريت ليلأً بالقدم ماسريته=وأصبحت كأني من عنا البال ساري
بين الخطاء والصح ليلي قضيته=ليلي قضيته بين بايع وشاري
وأبديت أنا ما اخفيت واللي طويته=ما كأن يدري به من الناس داري
يصعب علي الدرب لما مشيته=حار القدم ماسار بين الصحاري
هذا سجل ومن زماني قؤيته=حلو المشارب عودت لي مراري

قلب الشقاء ما طاع لأني نهيته=يامر وينهى فيه وقته اجباري

ذكرت انا الماضي بعد مانسيته=وعادت لي الذكرى مع الفين طاري
سجلت انا بالبوك حتى مليته=باحرف على بيض الورق حبر جاري
هذ يابو فيصل سبب ماعنيته=وانت مجرب من زمانك وقاري
وانت من اللي لنصيته لقيته=رجلاً على عز الرفاقه يداري
تفداك ناساً بالردى مستميته=ناس(ن)تعبي بالمخابي مصاري
تقدير ابو فيصل كبير وبنيته=بني القصور مزخرفات السواري

========= مجارتي للاخ حمود

البارحه نوم الخلايق جزيته=جزت الفراش وعفت نوم الغداري
السهرللعين الشقيه رضيته=مع السهر عيني تهل العباري

جبت القلم من دمع عيني غذيته=يكتب قوافي اخره حرف آري

ماهو غرام ولا حبيب(ن) هويته=لكن مثايل في زمان الدماري
ودي أرد القاف يومي قريته=أعيش ذكرى مع كريماً خياري
الصاحب اللي يرفع الراس صيته=من ساس ربعاً باللوازم ضواري
اهل الكرم والجود واللي هقيته=بافعالهم سط المجالس نماري
ابو سلطان الوقت مثلك نعيته=يوم اختلط شيهانها والحباري
اللي حدث لك يارفيقي عنيته=ياما قاسيت بليلها والنهاري
بين الرجاء والياس عمري قضيته=عند النهايه أتخذت القراري
صبري على ضيم الليالي نويته=الريح ماتاتي على كيف ذاري
هاجوس قلبي خيم ودق بيته=بالجوف عمر له قصور وحواري
هذا مردي لك تراني هديته=ساس الصداقه وانبناله جداري