يسلم لنا الحمري - حفل المعايده
ابيات
متواضعه
اعذرونا عليها
القيت في حفل المعايده
للقبيله
العزيزه
كما لا يفوتني ان اقدم شكري وتقديري لأخي الشيخ - محمد بن دغيم الحمري البلوي وكل ابناء قبيلتي العزيزه
ياشعر غرد شيلها سامريه=عذبة مثايل والمعاني مقاديح
نثر بهاها بالمحافل هديه=ريحة شذاها من بختري مع الشيح
مني سلام الله واثن التحيه=تحيتي لأهل الوجيه المفاليح
مبروك عيد الحج عيد الضحيه=ربي يعيد اعيادنا يا الطحاطيح
عند ابن دغيم اجتمعنا سويه=في حفل ابو ممدوح تزهى التماديح
يسلم لنا الحمري ويا حي حيه=ماحسب الدنيا وكثر المرابيح
يفداه نذلاً بار يوم بخويه=يفداه من هو خاير العزم ويطيح
يعيش ابو ممدوح عزومه قويه=من ساس ربعاً ينطحون المشافيح
ربعي بلي وأعتز أنا بالسميه=زبن الغريب ومبعدين المراويح
في حفل ربعي محتمين الونيه=يشهد لنا تاريخ ما تلاميح
أرض الوطن أرواحنا له هديه=وايضا لابو متعب بعيد المصابيح
تاريخ ثابت والشواهد عليه= دون الوطن كم من شهيد ومجاريح
وايضا لولي العهد مثله وزيه=يعيش ابو خالد بعيد المشاويح
ياشعر غرد شيلها سامريه=عذبة مثايل والمعاني مقاديح
رد مع اقتباس
المفضلات