(( ... ارعـــــــــــدي .. ))
بيني او بين الردية والردي = بعد النجوم السرمدي ترحالها
لو قرب مني سدامه اقتدي =جاذبية خاطري في حالها
احمد الله هادين او مهتدي = شابرن اقصارها واطوالها
اقربي ابا اتغزل ياابعدي =يالرايقة يااللي اجنان او صالها
في حلاتج والجديل الارجدي =والغضون اللي عسل سيالها
ازعلي والا امطري او ارعدي=منوتي لو بالثريا انالها
يالمايسة يام الرموش الاثمدي =ياالعنود اللي قليل امثالها
ادخليني فيضي او اسندي =علميني بالغجر واهبالها
واوقفي والا ادنقي والا اقعدي=كل ذرة منج شمس الحالها
بس الله عليج ماابا الاجعدي =يغطى النهود الجوهري سلسالها
افهقيه زين عن الانهدي =وارفعي عن خادرينج شالها
ثم عضي بالشفاة او سلهدي = وانا اسلهد والاوادم مالها
وانا ماابيج عني تبعدي=تحت رمش العين فوق اضلالها
قالوا السعيد قربه يسعدي =وانا ابا سعادتن في بالها
ياعسى الهتال علـ الأحمدي= غيمتن ضام الصبا هتالها
الاحمدي دار الصباح الامجدي =الكاسبين امن العلوم اجزااالها ..
رد مع اقتباس
المفضلات