جأتني أبيات من الشاعر /محمد بن ظاهر الميهوبي البلوي
أبيات الشاعر هي :
مشكله والمشكله ياصاح غير=والمشاعر عند شاعر تستقيم
من نقدني قلت مامثله كبير=أنت تعرف ناطقين القاف جيم
ماعلينا من الكلام اللي يثير=بين هذا وذاك والمعنى قديم

وكان ردي عليه في الابيات التاليه:

والله أنك دائما شاعر قدير=المعاني الكامله فيها تهيم
عشت لي يامطوع المعنى العسير=أشهد انك شاعراً جزلاً كريم
انت مبصَّر صعب ينقدك الضرير=والله اني صادقاً والله عليم

وكان رد الشاعر / محمد ظاهر الميهوبي البلوي
في الابيات التاليه :

تعرف الفرَّيس في اليوم المغير=لايهمك من هو شيطانه رجيم
ماعليك من الحصان ولا البعير=الأسود أسود والغابه نعيم
الحرار أحرار فزَّت للمطير=حلَّقت بحروفها من فوق غيم

وكان ردي عليه في الابيات التاليه:


والله إلا نعجب الجمع الغفير=رغم أنف الحاسد الخبل السقيم
تهمنا قبيلة العز الوفير=بلي الفرسان هم عوق الخصيم
بلي هم العز باليوم الخطير=ان توطأ البيد لو كانت جحيم