أبأنشــــــــــــدك بالله ــــــــ
أبانشدك بالله وش غير الحال=بعد العهود الماضيات الاكيده
صفيت لك نيه على كل الاحوال=واهديت لك قلبـ(ن) على ماتريده
خنتي وعد مابيننا وكننا أطفال=خنتي وعد للحب في يوم عيده
كلما تجي علومنا بطاري البال=ارجع اسطر لي حياتن جديده
وابعد عن همومك مسافر ورحال=واسوق رجلي لو دياري بعيده
حب نسيتينه مع الوقت ينزال=يالله عساه يموت ميته شهيده
ماباقي ياكود ذكرى للأطلال=بيض الرسايل والجواب وبريده
هذه حياتي عشتها بين الامال=بين العهد ووعود كانت اكيده
حكم القدر يمضي على كل الاجيال=هني منهو عاش رحله سعيده
رد مع اقتباس
المفضلات