هذي اختام مني لمحمد الميهوبي

اشكرك عشتها بكتمان والله يعينك واليك هذه الابيات على عجاله للي في بالي

يقول من عدا رفيع المشاريف=تصعب على من هو تحدى ونواها
له عزوته يمناه باحسن تصاريف=ولا همه الساري ونبحت جراها
الخيل تسرج والركايب مهاريف=والفُرس ترطن والعجم في لغاها
والرجل يعُرف دون بعض التعاريف=والعلم غانم والقمر في سماها
الذيب يبقى ذيب ماهي تخاريف=اذا عوى سرحان جاوب عواها
اعرف نوايا الخبث ويا الملاقيف=واظرف على صعب الامور وراها
ياعايش الكتمان راحت سواليف=لا تذخر الكنون ريْح خفاها
الحق يرضي عند كل العواريف=دار المراجل لا تقرب حماها
اللي بالك روح يمه ولا تهيف=خالك بحالك والمراجل تراها
حنا لها حنا الوجيه المصاليف=عز الرفاقه والخوي وقصراها
ونشوم شومات الحرارالمكاليف=والا الردي ناطاه وطيت حذاها
والثعلبه ماهي لنا والمحاريف=نظراتنا فوق النظر من مداها
والذيب مايدْور شياه المطاريف=الذيب له هدات يصعب لقاها
مني رساله ماعليها مضاريف= عبر الاثير وبثها في هواها

*شاعرنا الاعلامي والمخضرم والاب الروحي/ محمد ظاهر*

*صح لسانك .. والرسالة وصلت.أليس كذلك ؟!!

*لك فائق تحياتي وتقديري ومحبتي واحترامي*
*ودمت بخير وعزة ورفعة وانفة وعافية وراحة بال*

*((والله الموفق))*

***[/CENTER]