للرجال فقط -ممنوع دخول النساء

السلام عليكم ورحمة الله وبركاته
أحبتي / تذكرون الموضوع السابق (للنساء فقط ممنوع دخول الرجال)
اكيد تذكرونه .........
فخفنا من زعل الجنس الناعم علينا وقلنا من باب العدالة لازم نرضي الطرفين

والآن خلوكم معنا في موضوعنا الجديد

فلان بن فلان وبلاش نقول اسمه ..... (( الستر زين ))

يعمل بوظيفة مرتبها ثلاثة الاف وفراطة جاله ابوه وقال ياولدي ابغى منك عشرة الاف

ريال تراي بحاجة الى سيارة . قال الولد المعذرة بابوي ماعندي فلوس ورجع الشايب مكسور الخاطر

وبعد ثلاثة شهور جت له امه تعبانة وقالت ياولدي ابغى منك الفين ريال على شان اتعالج

عند طبيب خاص .. رد الولد وقال ماعندي .... رجعت الأم مكسورة الخاطر (( وحسبي عليه الله من ولد ))

وبعد مدة ليست بالبعيدة خطب الولد من احدى الأسر وحدد الفرح

والتمو عليه صحبته الموقرة وقالو له لازم تحيي فرحك ما تخليه كأنه عزيمة عادية ........

لازم تجيب شعار يحيون العرس

قال ماعندي فلوس . قالو خذ هايلكس من المعرض قيمتها ثمانين الف اقساط لكل شهر الفين ريال وتبيعها بخمس واربعين الف ....

راح المسكين وشرى السيارة وحجز القصر بخمسة عشر الف واتصل بمكتب الشعار وقال :

ابغى شاعرين لعرسي وحدد القصر والموعد قال له صاحب المكتب حدد الشعار اللي في بالك . قال : ابغى صياف الحربي . قالو توفى . قال محمد الجبرتي . قالو توفى . قال الثبيتي . قالو توفى .قال له راع المكتب انت ماتعرف عن الشعار أي شئ .. لكن اتركنا نختار لك . قال :

موافق . قالو: ادفع ثلاثين الف ريال . ودفع المسكين المبلغ كاملاً .
وجابو له اثنين من الشعار المبتدئين وعطو لكل واحد الفين ريال وممكن لو قالو بلاش جو لأنهم يبغون اللعب

وقامت الملعبة والا اللعب شرق واخوانا الشعار غرب وانتهت ليلة الفرح وخسر المسكين فلوسه وتذكر الأقساط وايجار الشقة والفواتير وابوه وامه وصابته حالة نفسية .عسى الله يكون بعونه
.
.
.
.
ياسادة ياكرام كثير في هالمجتمع على شاكلة فلان اللي
ماوجد بعد عرسه الا الدين وعقوق الوالدين واهل العقول براحة

وعفوك يارب