يالمنتدى جيتك على غير ميعاد=جيتك لجل مالي على البعد حيله
جيتك وانا مقدام ولساني زناد=وان جيت جبت النادره والجزيله
من عزوةً معهم للآمجادميعاد=لاولع البارود راس الفتيله
ومادام تجمعنا العزاوي والآجداد=والمجد والتاريخ وأسم القبيله
لازم نجي للبيت عمدان وأوتاد=ونشيل حمل اهل الحمول الثقيله
حنا لنا بالوقت تاريخ وأمجاد=لاقام كلاً يعتزي في حصيله
من وقت سيدنا النبي سيدالآسياد=لليوم وال بكره علمنا نشيله
مناصحابه مالهم عد وأعداد=ومنا لجيش الفتح قاده مهيله
وان ماجمعنا مجدنا ياعرب باد=راحت به الآيام يومي شليله
راح الرواه الي اذا جيت نشاد=يعطونك العلم الوكاد ودليله
وأمجادنا تبقى لنا ذخر وأسناد=امجاد مثل المزن كلاً يخيله
ومادامنا لهل النقى عيال وأحفاد=حقاً علينا مجدهم ننتخي له
والشكرللي ساهمو جهدهم فاد=وانتج لنا موقع ثماره جليله
للشعرديوانه وللمرجله ماد=ونسعى لشيءً مايسطر مثيله
هذي هي الهقوه على روس الآشهاد=سطرتها والكل عقله دليله