يا نبيل شعيل؟
يانبيل شعيل غني وأعزف اللحان المأسي=وأنبسط وأبسط جماهير الفراقع والغباوه
ما لحقني شك بالمعنى ولا فيه ألتباسي=يعجز اللي وده يسمي عويرض بالسماوه
والله أني لأشعل المعنى ولا أخذها أقتباسي=انكشف حقد القلوب اللي تكنه من عداوه
في زمان العولمه والعفن واللعبه كراسي=أفرحوا يأهل العقول اللي سقيمه بالحفاوه
للنفاق جيوش بانت وأصبح القايد أساسي=ياخسارة هقوتي ياشعيل مدري هي غشاوه
العيون اللي رمدها صابها مدري نعاسي=تستحق علاجها الحلتيت والبخور جاوه
الذهب يبقى ذهب ماتشبه الفضه نحاسي=والحديد المعدني يصدى على ريح الطراوه
من دروس الهندسه أجبر مربعها خماسي=والدواير في دواير ماتظم الا الجراوه
الرجال اهل المكارم قدرهم من فوق راسي=قدرهم يبقى رفيع وفوق راسي من سخاوه
يانبيل شعيل غني وأعزف اللحان المآسي=وأنبسط وأبسط جماهير الفراقع والغباوه
رد مع اقتباس
المفضلات