القصير
سلا م للمنتدى يا مـن يـرد السـلا م=ويقص لـي قصـة للكـل مـا قصهـا
ساكن بوسط الريا ض مع الرجال الكرام=لكنٍ قلبي "بروض البل" وأنـا خصهـا

ا
الوحيشي

هلا عليك السلام اقولها بـا حتـرام=تحيتةٌ عن عمـوم المنتـدى نصهـا
الشوق هزك لروض البل ولاهو حرام=شد الرحايل وصوب دياركم وصهـا

القصير

يالله عسى بك البقا ياللي ربط الحزام=و الطيبة طيبة تثبـت و لا اغصهـا
لا رحت قالو علي امخالف "ن" للنظام=وتضيع "مية" خويك ربعها ونصهـا

الوحيشي

ا
للي بقلبه هموم اشلون وده ينـام=والي يحب الفلوس يموت في رصها
الله يوفق جميع انسان صلى وصام=وهموم قلبه عسى الايام تمتصهـا

القصير

ماحديعاف الدراهم يارفيـع المقـام=وان كان قولي خطأدونك يدي قصها
والقلب لاصار ميت ماعليه المـلام=الوقت هذا محاميها سـرق لصهـا