ياونتي ونيتها فجة النور = ونة غريبن مالقا له ملاجي
والا الكسير اللي من العظم مكسور = عقب الطرب راحت عظامه رجاجي
والا العليل اللي عمل فيه دكتور = عاز الطبيب وعاز فيه العلاجي
واللا الزعيم اللي عن الحق مقهور = يومن سيف الحق فيه انعواجي
ابوك يللي تزرع الزرع بالطور = في مرتع المعزاء ودعم النعاجي
مثل اللذي بالمزرعه غزو الصور = والصور لايثمر ولابه نتاجي
يحمود حتى البيطري صار مأمور = لبس العقال وعلقو فيه تاجي
ذيب الغنم ياحمود خايف من الثور = والثور لاخايف ولا هو مجاجي
الوادي اللي يا لاجاويد مشهور = اتعب وانا ماشفت لي به خراجي
عقب الجهام اللي معه لجة الحور = الليوم مابه غير حس الدجاجي
ياديرتي صارت بساتين وقصور = حلت بها الاشكال من كل عاجي
في وقت والمظيوم يصبر على الجور =والماء يبل الكبد لونه هماجي
يالله ياربي عسى الذنب مغفور = يللي غفرت الذنب عن كل حاجي


وسلامتكــــــــم 0 ارجو الدعاء للشاعر بالرحمه جزاكم الله خير