نطلق نظرنا لسماء والشواهيب

في بعض الاحيان يطفش الأنسان من ضغوطات الحياة ويحب ان يذهب
خارج المدينه كي يستعيد قواه من جديد كي يواصل مشوار حياته0 وفي يوم
من الأيام خالجني شعور بأن اخرج الى اماكن كنت اتردد عليها وقت العطل وستفزعت
بأخي ابو مشاري كي يأخذني الى تلك الديار بحكم انه معه جيب
2007 وانا معي فورد 96 م ولا تصلح للصحراء ونزف قلبي بهذه الأبيات المتواضعه
لست شاعر بما تعنيه هذه الكلمه من معان ولكن مجرد كلمات خرجت بشكل ابيات القصيد
اترككم تحكمون

**********************

يابــــــــو مشــاري جهز لنا الجـيب=النفس ضاقت و المـحـاني حصـرها
شوف المباني زود الــراس بالشيب=وقفى سواده مع طلوعــه دمـــــرها
ودي بمشعل ينتهض كنــــــه الذيب=ويشوف عزبتنا وش اللــي قصرها
نقصد اديارآ فيها عكف الــمـخـاليب=فـــــي ليلة نـــور علينا قمــــــــرها
مع ربعة رديهم يفعــــل الطــــــــيب=وخيــــارهم خيره علينا نثـــــــــرها
نشوف برق ونسمع رعد السواحيب=ونخيل المطره ونـطرد مطـــــــرهــا
ونزل الـعـــــزبه بعلـــو المراقيــــب=نـــشـــــوف وديانآ تسيل نهـــــرهـا
لــــزانت السمره نزيــد المشاهيــب=ونســــوي الــدله لـــزانت جمرهــا
نطلق نظرنا لسماء والشواهيـــــب=حتى تنام العين وينشف بحــــرهـا

اخوكم / سعود العقيل