كــلــي ضيـاع ..

محتاج لك والحاجة أم الاختراع = وأنا يديني من جفاك إمكبله
محتار ,, لا متشتت وكلـي ضياع = عجـزت أركز في حلول المسئلة
زعلان ..! أدري بس قدر المستطاع = حاولت أحل الوضع ذا من أوله
والحين جيتك بندفاع وبنصياع = وحروف شعري كل خد إتقبله
ياصاحبي فيني الحرارة بإرتفاع = مـدري أحس الارض تحتي مزلزلة
ياصاحبي لا تقول لي فـــل الشراع = في بحر موجه يصطفق من أوله
ياشينها لا قلت لي : ( إفجوج الله أوساع ) = وانا طريقي والله إني أجهله
ياشينها لا صـرت عايش في صراع = مابين يومك والحياة المقبله
وياشينها لا قلت لي :( حــان الوداع ) = 3 2 1 حان إنفجار القنبلة
تعال لي إنحل أسباب النزاع = تعال لي وكل شرط انا أقبله
من غيبتك ضاقت علي كل الوساع = ومن غيبتك ذبلة عصون السنبلة

وســلامتــكم

* كتبت هذه القصيدة للمشاركة في مسابقة الشاعر سعد علوش , ولكن سبق السيف العدل , إنتهى الوقت المحدد لها