ياهوى القلب المعنى لاتحيري = لا تخافي من خطر خطـوه خطـيره
استشيري كان ودّك تستشيري = يا عسى تلقين عنـّا حسن سيره
ومن شرور الخلق بالله استجيري = مايجيك اخلاف وانتي مستجيره
وكان صابك خوف صلي واستخيري = واطلبي من والي الاقدار خيره
وكان لك مقسوم مع مخلوق غيري = ماحد من الناس ياخذ قسم غيره
واعلمي اني بحبي لك اسيري = واطلب المولى يجيبك لي اسيـره
كيف اموت من الظما جنب الغديري = والظما بالكبد والجمه غزيره
ماسوى قلبي على نفسي اميري = ولا سواك انتي على قلبي اميـره
ما ينبيك الخـبر مثـل الخبيري = ما خــبر للود غيــر القلب ديــره
والله انـي ما يريحني ضميري = غيــر لمّــا اكـون ربـــان القطـيـره


وسلامتكم
0
ولاتقولوا لأحد