ياشعر سامحني 00؟

ياطير ياطير السعـد نفـض الريـش=دآم أكتمـل صـف الجناحـيْـن للهد
الحـر مايشبـه طيـور الخفافيـش=اللي تصافق مـن عماهـا ولا تسـد
الحر يشهر عـن علـوم الطرابيـش=له مآكره فـوق الخضيـراء محـدد
يظهر خبرها بيـن عمـار وعميـش=فرق الملامح مثل شامه علـى الخـد
وسمتها من خوف لا تروح وتعيـش=اليوم عندي لكن الخـوف مـن غـد
علم الذواهـب يذكـروه الطواريـش=عبـر الأذاعـه والجـرايـد مفـنـد
خوفي على المعروف والعرف والعيش=أدرا مقامي عن حرج ساعـة الجـد
الشعر ميدانـه وسيـع المطاريـش=والقفـر وآجـد وألمعانـي تــردد
والشعر ما يزهى عقـول الهلابيـش=الشعـر لآهـل الفكـر كيفـه مقنـد
شاعر سروق وكل شعـره خرابيـش=وشاعر على شعره حريصـاً مجنـد
وشاعر له حروف المعاني مراهيـش=وشاعر يعـدْ أوزانهـا بالعـدد عـد
شاعربحر لاشك ماأروى معاطيـش=البحر مالـح والرواسـي لـه تحـد
شاعر عشاه من المعانـي عراميـش=وشاعر تعشى من دسمها على يد
شاعر نقشها بالصفاء خوش تنقيش=وشاعر عليه الشعر يزرا وتمـرد
شاعر قطفها قطفت الورد مـا نيـش=وشاعر شذى معناه عنبر معه نـد
شاعر شراها بالدراهـم بعـد كيـش=وشاعر مسخها وأخرب الشعر من جد
ترى القصايد عند اهلها كما الجيـش=عوص النضاء موصوفة الخال والجد
الراس شيْب وأصبح اللون كالميـش=وألنـاب قـارح وألمـفـرد مـفـرد
ياشعر سامحني اذا اخطيت حتى أيش=أحفظ مقامـك عـن خطـاة المقـرد

أملي أن تنال اعجابكم
أبو فيصل