وحيده ماهـي وحيـده=وحيـده ربـي معاهـا
وحيده تراهـا عيـده=بنت النشامـا نفداهـا
لا ننسى قبلـه زبيـده=من بنت الازور مبداها
قضاعه نعـم البديـده=تاريخ مشرف رواهـا
قضاعه ربعه مجيـده=بيـن القبايـل نباهـا
الماضي يروي جديـده=والحاضر شاهد يراهـا
اقصـد قبايـل عتيـده=تاريخ وراوي رواهـا
تنخاكم نخـوه فريـده=وأنخاكم ناقف معاهـا
الشعرساعـي بريـده=هقوتها لاحد ينساهـا
هاذي بيوت القصيـده=والعذر لمن هو قراهـا
دون المعانـي شديـده=اشكرها واشكر عطاها
قضاعي غنـى جديـده=والنخوه من هو ينساها
دعماً لشاعرة قضاعه
عيده العروي الجهني
وحيدة السعوديه
--------------
الميهوبي