هذا جـــوابـــــي00؟

هذه الابيات اتتني من اخي
الشاعر سعد السرحاني ابو نادر حفظه الله




يقول سعد

يا صاحبي عن ساحة المجد ما اغيب=اغيب انا اذا شفـت ساحـة مهانـه
والذيب يفزع اذا سمع عويت الذيـب=وانته عضيـدي بالقسـى والليانـه
ما دام صارت للحصانـي مخاليـب=وصارت لرعيـان الحلايـب مكانـه
مثلـي ومثلـك يعتلـي بالمراقيـب=يرفع جنابـه قبـل يخسـر رهانـه
نشره على ربع النقـى والمواجيـب=والا الردي ما حـط نفسـي وزانـه
ذكري مع ربوعي وعند الاجانيب=يفرض علي المرجله والرزانه
هذا جوابي يافتى الجـود والطيـب=شومة نقى وإن ردت عرف وذهانـه

ردي
على سعد

يا مرحبا ترحيـب مافيـه تكذيـب=أصدق من الصادق وكلمـة لسانـه
ياذيب تبقى ذيـب مهـي تلاعيـب=وانت الذي معروف عندك حصانـه
هذا زمـان اليـوم كلـه تعاجيـب=خلك مع العربـان راعـي فطانـه
مثلـي ومثلـك للكـد والمطاليـب=غيرك ترى معروف شانه وشانـه
شرهتك واجب ماهي عيب وعذاريب=العيب لأهل العيب يعـرف مكانـه
ذكرك مع الاقصين وعند المواهيب=لك موقعاً بالجـود سابـق زمانـه
مهما يكون وكان ما عنك تجنيـب=تبقى عضيدي مرتفع عن طمانـه