هذه القصيده أهداء مني أنا الشاعر:فهيد بن صالح الحمري
الى الشيخ:علي زعل الحمري
بمناسبة زواجه والمعذره من التقصير






سلام ياحفلة بعيدين الأنظار=حفلة علي راع الأفعال الجزيله
راعي دلال ٍ كلهن بن وأبهار=والمجلس المفتوح كل ٍ يجيله
يذبح من الجزلات لوغلي الاسعار=زحزيح يركي للحمول الثقيله
عزالله أنه له معزه ومقدار=عند الرجال الطيبه والأصيله
الضيف يشهد له ويشهد له الجار=ويشهد بفعله كل وافي خصيله
أقولها وأقولها سر وأجهار=علي زعل أكبر فخر للقبيله
ومن لا يصدق في كلام ابن نصار=يطعن بما قلنا ويحضردليله
هذا رجل معروف كأنه جبل شار=وهداج تيما عد ماهوثميله
وعزالله أنك ياعلي بوالدك بار=والبر بالوالدين أكبر حصيله
وصلاة ربي عد من للحرم زار=على النبي أعداد وبل المخيله