العوده من الغياب

في البدايه تحيه من القلب للجميع
ارسل لي احد الآخوه هذا البيت كرسالة جوال

جيت أسألك يوم المواجيب قانون ×× وين انت غايب لاقصايد ولا أخبار

فكتبت له هذه القصيده كرد على سؤاله

يافكري العالي تريض على الهون=قبل الحروف تجيب مضمون الآفكار
لو غبت مثلك في خيالي يمرون=ويردني تقدير وافين الآشبار
صبرك على ناساً بحقك يزلون=تحسب عليك احيان والوقت دوار
ياكبرها لاجت على غير قانون=وش لون لاجتك الكبيره من إصغار
أهل النقى عاداتهم مايزلون=دايم لهم في صفحة العز تذكار
والا ردي الساس من دون في دون=وش تحتري من منبع الذل والعار
والله لولا ناس عندي يعزون =ناساً لهم بالبال شيمه ومقدار
لرجعه لصله واسلمه كرتون=وأحط فوق إلباسه اختوم وأشعار
من شأن كل الناس بالعلم يدرون=إن الحيود حيود والفار حفار
قلته وانا للطيب والجود مديون=وال لطمة العايل معي سيف بتار
اعتز بالي للمعالي يهيمون=وارافق اهل العرف والطيب والكار
ولايوم فكري بالخطا صار مقرون=لو كنت بعض احيان بافكاري احتار
احتار لاجتني من الصاحب اطعون=وابيع واشري في كثيرات الآشوار
لاكنها تصغر على الفكر وتهون=ياصاح لاجتك الكبيره من إصغار