(عصا الساحر) قصيده موجه للشاعر/أسعد السحيمي

بسم الله الرحمن الرحيم

السلام عليكم ورحمة الله وبركاته

إلى أخي الغالي على قلبي
الشاعر المتألق/ أسعد السحيمي
أزف هذه القصيده
ومن أراد أن يعرف مناسبتها
عليه أن يسأل الشاعر/أسعد السحيمي
وأتمنى أن تنال إعجابه وإعجاب شعراء قبيلتنا الغاليه
والمتذوقين من أبناء القبيله

(أطـــوار الحــيــاه)

ياأسعد ليه مانلبس ثياب ٍ بيض نتنعم=وشهّب ثيابنا نشعل بها نار ٍ ونرميها

تعال ونارنا حيه نبي نسهر ونتكلم=تعال ونظهر الخافي طويل الليل يرويها
تذكّر يارفقي قصة ٍ كانت لك البلسم=وأنا بأذكرسواليف ٍ جديده كنت مخفيها
ترى بعض البشرفقره كلام وثوبه مهندم=وحنا ثيابنا ما تشتكي كثّر الوسخ فيها
وترى بعض البشر ديكور والله بحالته يعلم=وحنا أشكالنا تَظهربحمد الله وكافيها
(وترى بعض البشر جايع وأصناف الطعام ألتم=ببيته)/وحنا نغمس خبزة الشاهي بشاهيها
وترى بعض البشر يعطش وهو راوي لحد الفم=وحنا نارد أبيار ٍ بعيدات ٍ حراويها
وترى بعض البشر يشكي /أسى /حرمان/ جور/ وهم=وحنا تيبس أرياق ٍ ولا أحد ٍ جاب طاريها
تعال ونذكر أطوار الحياه إللي بها ننعم=نبي نجبر بها قلب المعنّى يوم يشكيها
إذا ثياب المعنّى واسعه بيضا طويلة كم=فحنا ثيابنا عز ٍ على الهقوه نظرّيها
وإذا عنده دراهم ماليه جيبه مايدري كم=عزيزه نفوسنا وجيوبنا بحول الله يغنيها
وإذا كانت مواترهم جديده وعندهم منجم=فحنا أقدامنا تسعى على الجنه خطاويها
وإذا كانوا كبار بطون ماتلقى لها منسم=حنا نفوسنا تَكّرَم عن أنواع الردى يجيها
وإذا ماهم يجيهم بالقوارير إللي تتوسم=فحنا نسقي الطيبه ونرهي في محانيها
ياأسعد لو تضيق إبهم ترفق حالهم وأرحم=لأن أحوالهم يمكن من الأموال شاريها
أنا أظن المعنّى يشكي مايفتح له السمسم=وشاشات البلد كله على جداره مخليها
ياأسعد لا تضيق بهالسوالف لا / ولا تهتم=لأن الفرق واضح والنهار يفك طاريها
وتاليها تبي تعرف وش الفرق اللذي يقسم=عصا الساحر بيديهم / وحنا مالنا فيها

محبكم

حـاتـم بن منصور منقره

الشاعر / حاتم منقرة


نص رائع بل اكثر


صح السانك


وأسعد بيته عن قصايد


لك والي أسعد تحيتي ومحبتي