هذه القصيده للشاعر النقيب سعود كايد البلوي
قال الذي عنده مزاج وتصانيـــــف = خير الامور الموسطـه والنصايـف
بين القطيعه والوصل خط برليــف = وينصف الشطيـن نهـر الظفايــــف
من زاد في وصله له الصاحب يعيف = ومن زاد في هجره جفته الولايف
نقرا كتاب العرف في كل تعريـــــف = خطفه سريعه والمعارف خطايف
ولو مانغيب اتغيب كل السواليـــف = ولاعاد يبقـى بالطرايف طرايــف
ياراعي الفنجال ياراعي الكيــــــف = ثقــل سـواه وخل صبه خفايـــــف
بضايفة اللي يكرم الجار والضيـف = عز الخوى في زاجرات العصايـف
سعيد ابن قيضي زعيم المعاريــف = حرا على روس الطوال النوايــــف
واخـوه عيـد معديا للمشاريــــف = شاعر جمع طيب العلوم الظرايــف
جزلا قطف من روض زهرالمقاطيف = طوقا على الحكمه حسين الوصايف
لـه واجبا عنـدي قليل التكاليـــــف = وحــقه علينا حــق ما هوب طايـف





ردي على قصيدة سعود كايد


قال الذي قافه من الفكـر تأليف = طوع من الافكار شرّد عسايـــــف
لين اصبحن ابيات شعري مواليف = اشوفهن عشاق بيض الصحايف
ياسعود منت من اللي انشيف ماشيف = انت ولونك غبت طرياك نايف
تقول لي خير الامور التناصيف = وانا بعد شايف مثل منت شايـــف
كل الامور اللي تبى حسن تصريف = تكبر على غيرك وعندك خفايف
ودي معك خوه وجلسة سوايف = عند الوجار وعند صفر ٍ ولايـف
ياسعود فنجالك يكيف هل الكيف = بالزعفران اللي على البن كايف
بالجود يالنشمي يدينك مغاريف = تجود ماتحسب حساب الكلايف
ابوك كايد في ليالي الدهر ريف = للضيف والجيران جوده وصايف
وعند القاء حمالة الرمح والسيف = هذا كلام الصدق ماني بزايف

وسلامتكم