العالم المجنون وش دخلك فيه؟؟
ردي ترى ماني للأشواق تمثال
دامي بقايا انسان ليه اشتريتيه؟؟
دامي طفل من علمك عشق الاطفال؟
لاتقنعيني في كلام المشاريه
ولا تقنعيني بالمواعظ والامثال
انا الجنون بروعته وب معانيه
يقشيك درب معاندي كل ماطال
وانا الذي لو عذبك مافهمتيه
عشت اغتراب الحب شاعر ورحال
قولي خيالي ياخيالي واقول ايه
طبعي قبل لعرف طريقك ولازال

_____________________
شوفي الطفل قبل الملامح تدينه ..
إيه احكمي قبل النظر يجرح العين

الروح شعلة شوق والحال طينه ..
تكفين ردي وهج الايام تكفين

قلبي سؤاله جرح طرّز سنينه ..
ياعاقله ! طال انتظار المجانين

قولي متى من نظرتك ترحمينه ..
يفهم رحيله في سما عشقتك وين؟

عصفور حب ومنيته تفهمينه ..
مرفوض من كل الشجر بـ البساتين

أدري ملاك الحب داسوا جبينه ..
في عالمك كل الفرح للشياطين

لكن رجاك القلب لاتجرحينه ..
يااعز وأخر مابقى بـ اختيارين