" غادة الجيل " شيلة بصوت الشاعر شاهين النوايف...
البارحه سريت ليل التهاويل
وعيا لذيذ النوم يقرب لعيني
سهرت مع ليل الشقا والغرابيل
وهموم قلبي كل ساعه تجيني
غنت لي هموم الليالي مواويل
لحن منه يشيب راس الجنيني
وكتبت من جزل المعاني تماثيل
للي غلاها من زمن محتويني
حبيبتي ذات الرموش المضاليل
اللي لها قلبي ومافي يميني
بنت العرب ست البني غادة الجيل
اللي لها شوقي وزايد حنيني
من غربتي أرسل عليها مراسيل
ترى العهد محفوظ بينك وبيني
ويفداك عمري والشعر والتعاليل
ولك حب ماتمحاه غبر السنيني
وعقلي وقلبي والليالي المقابيل
وشوفي وسمعي وبعدها سامحيني
هنا
الف شكر للاخ يوسف ابو ذراع على مساعدتة برفع الملف
.
شكراً لكم
رد مع اقتباس
المفضلات