بـــاب الحيـــاة

.


عذراً على الغياب


قصيده جديده .. " الهضب "







مدخل

البر طعم الهنا والليل والدلّه=والشعر أأأأخر حنيني واوّل الحاني
والفرح .. ضحكة خليلٍ صادفه خلّه=والهضب ديره عليها الشوق ودّاني
ديره على اول دروب الخافق مطلّه=تاخذني لابعد حدود الشوووق .. وأنساني!
حديثها اللي عجزت أحصيه وأملّه=من فينا كان الوله وأقّبل على الثاني؟!!
أصبحت طيرٍ يمد الريش .. ويتلّه=هبوبٍ أقّبل من الغربي وخاواني
هي وصفها اللي عِجزّت أطوٌوٌوٌل واوصلّه=ما كنّه اللي هنا > واقف على الساني
وجّنة عروسٍ بـ ميّ الورد مبتلّه =جتني تفيّا ومالت لجلها اغصاني
تصبح .. وفيها كثيرٍ كافيٍ قلّه=يرسم طريق الندى لمصافح أوطاني
تمسي .. وتنفض جديل الليل وتفلّه=تاخذ يد الحلم وتقوده لأجفاني
فيها طريق السهر نعّرفّه وندلّه=مع صحبةٍ من كثر ماْتعزك .. إتعاني !!
الطيب فيهم يجي من ربّك إجبلّه =الداني فيهم كريم . . وكلهم داني
أبعد ما يطري .. ولا يطري لك > "العلّه"=وأقرب ماتذكر لا قالوا: منهم؟ > إخواني
تشبّ نارك وتبقى بالمسا كلّه=تسمع سواليف بين قلوب خلاّني
يومك توازن عيار الكيف وتسلّه =تسلّ مَعه الحياه إلقلب عمساني
يومك تطق الحصى عن خبزة الملّه=كنّك تصحي سعادة عمرك الفاني !!
يالله بمزنٍ هبوب الخير تشتلّه=يمطر على الهضب لين تسيل ودياني
همّال ياصَل لجوف الأرض ويبلّه =لين إتّروى ويبقى نبّتها أزماني
الهضب باب الحياه .. وينفتح كلّه =على مداين غلا وأشواق وأماني
الهضب طعم الهنا والليل والدله=والشعر .. دربٍ عليه الشوق مشّاني

.