انا سعودي وعايش بالسعوديه
/
/
يالبارق اللي مراعيدك شماليه=تحمل سحاب المطر ومن المطر فاضي
يخيلها ناس تنظرها على الخيه=مايعرفو نوها لو بارقه ناضي
حطو بذور النبات بديره اخليه=رجوة سحابه تجيهم في زمن ماضي
الله ياذا الزمن فيه الشواويه=قامت تعلا وتشره منصب القاضي
الكل منهم غرق باحلام ورديه=واحيان يشعر ملك له ديك بياضي
شرهو يجيبو لهم بشت الحساويه=تفصيل حتى يكون البشت فضفاضي
والبشت من وسعها شالت لها ميه =خمسين راضي وباقي نصف مغتاضي
مايكسي الثوب لنه صار عاريه=ولا هقوتي قيد في فقد الجمل عاضي
ولا تفيد طلقه اذا صارت سماويه=لو ادوشك صوتها مافيه معواضي
وانا سعودي وعايش بالسعوديه=حامد لرب الملا وبعيشتي راضي
ومريح الراس من هاذي ومن ذيه=ولا اعشق حكايه بها شاضي وشمشاضي
المفضلات