ياقلب صبرك ماتجوز المعاذير=لو كل ضيفانك هموم ونكاده
لابد ماتقفي ورودك مصادير=تتعب ومكسبك الوحيد الجلاده
وللصاحب اللي يقبل الشور ويشير=ببدي طرف علماً بدالي مفاده
ماني بحاجه ياعوض منك تذكير=في صاحباً ملحق عيوني نقاده
رابع سنه من راح سيد الغنادير=من يومها ماجاه مخبر بافاده
لاتذكر اخباره ولا ابغى تقارير=لاصرت ماتُوصْل لخلي مراده
ودي بوصله مير يالله عسى خير=ماوخر المقرود غير القراده
لكن عسى خيره بصلف المقادير=واسلا وألاقي نار حبه رماده