صيادية جناااان لاتفوتكم

السلام عليكم ورحمة الله وبركاته

بنات كيفكم
ابيكم تدعون لي الاقي وظيفه :*_*:

اليوم جبت لكم طريقتي في الصياديه
هي طريقتين طريقه تقلي فيها السمك
وطريقه تسلقي السمك مع الرز
انت عاد سوي الاقرب لقلبك
واتمنى تعجبكم

المقادير:


رز على حسب كميتك منقوع
سمك على حسب كميتك سواء مقطع ولا بكبره عادي
نص ملعق بهارات سمك- فلفل اسود-كزبره ناشفه –قرفه-كمون-لومي
وكم حبه من المسمار الصحيح
ملح
بصلتين كبيره
زنجبيل تقريبا ملعقتين
ثوم تقريبا 3 فصوص

الطريقة :

اول شئ نحط في قدر مويا وفلفل اسود وبهارات السمك وملح وكمون ومسمار وكزبره ناشفه ولومي مطحون و القرفه
ولما تغلى المويا نحط السمك بس دقيقه ونخرجه


لاننا بس نبي نكهة السمك تجي في المويا الساخنه
ثم نحطه في الصفايه ونتبله بشوي بهارات السمك مع الملح

وبعدين نجيب البصل ونحطه مع زيت على النار ونخليه الين مايصير لونه غامق بس اهم شئ ماينحرق



ولما يغمق البصل نضيف عليه الثوم والزنجبيل الين مايتغير لونه
نصفي البصل من الزيت ولما يصفى نطحنه بالمطحنه



وفي نفس الزيت نقلى السمك ونزيد شوي من الزيت لو كان قليل
عشان السمك مايلصق ضروري يكون الزيت كثير وساخن
وبعد قلي السمك نحطه في صحن ونغطيه بالقصدير
ونخليه على جنب
الان في القدر حق الزيت نصفي الزيت منه تمام ونسكب القدر الي فيه المويا فوق قدر الزيت ثم نحط عليه



خلطه البصل ولما تغلى المويا نحط الرز بعد تصفيته من المويا المنقوع فيها وطبعا كمية المويا يادوب فوق الرز
ونزيد عليه الملح حسب الرغبه ونخليه يطبخ
ولما خلاص يبقى شوي و يستوي نجيب وصلات السمك ونحطها فوق الرز في القدر عشان يسخن
وبعدين نقدمه بالعافيه مع سلطة الطحينه و الحمر
والي تبي طريقة سلطتي راح اكتبها قريب إن شاء الله



وبالهنا والعافية