[ ..معـــــاناة سجــــين ..]

السلام عليكم ورحمه الله وبركاته

أسعد الله أوقاتكم في كل خير

هذا النص معاناة سجين وهو الشاعر الكبير / ممدوح عبدالله المرزوقي البقمي

الملقب بـ(شاعر الثقلين) دخل السجن والسبب كان يهجو الدوله وحكامها في قصائد

كثيرة جدااااااا

عسي الله يفك أسرة من السجن ويعود ممدوح كما أذكر قولوا آآآآمين

وهذا النص عندما بحثت عنه في قوقل وجدت هذا النص وهو خلف القضبان في العيد

أليكم النص :

كلِّن يعايـد بـاول العيـد غاليـه=وعيدي من الفرقا الدموع الثمينـه
احدن يعايد بيـن ربعـه واهاليـه=واحدن يعايد بالسجون الحصينـه
عيدن عسى ربي يزيّـن مساعيـه=لو انها في داخـل السجـن شينـه
عيدن بدون الوالـدة مالنـا فيـه=لو زانت ايامه فـلا هيـب زينـه
العيد والله شوفـة امـي وطاريـه=وتقبيلـة إيديهـا بذِّلـن وليـنـه
يامن يعايد لـي عليهـا واجازيـه=فـي دعوتـن لله بينـي وبيـنـه
يقول يالقلـب الرحـوم ومعانيـه=يامهجة الممـدوح يانـور عينـه
عيدن عليك يعود باحلـى لياليـه=وعيدن عليك يعود بامن وسكينـه
ياعيد قلبي ونـوره اللـي مقديـه=يالهفـة اشواقـه وزفـرة حنينـه
يامنبع العطف الصدوق ومجاريـه=ياذا الحنان اللـي يتدفـق بحينـه
ياجنتي وبستـان قلبـي وواليـه=ياريحة الفردوس الاعلى وطينـه
ياعزي السامـي وهيبـة معاليـه=ياروح روحي والخفوق وضنينـه
يامكسبي ياراس مالـي وصافيـه=ياغيث قلبـي ياعطـاه وعوينـه
يامْ الجَنَان اللي تزاحـم حسانيـه=ياقمـة الحـب المخلّـد بعيـنـه
ياقـرْة فـوادي وغايـة مرابيـه=العبد مكتوب القـدر فـي جبينـه
العذر ياسلطـان قلبـي وحاميـه=ممدوح ماغيـر الحديـد بيدينـه
بين الشبوك اعايد الدمـع واخفيـه=ياعيد عيـد الغلغلـة والضغينـه
العيـد عنـدي سامياتـن معانيـه=لكنها بالسجـن ضيـم وضغينـه
العيد لو هو عيـد مـاالله محلّيـه=إليا ابعد المخلـوق عـن والدينـه
والله يالو واحـدٍ فـوق نرجيـه=ماصبر على فرقا الحنون الرزينه
يوم اذكر امي نور داري وراعيـه=ابكي وانا كبـدي مـن الله متينـه
قلبي ثلاث سنين والبعـد طاويـه=ماشفتهـا والعيـد وينـي ووينـه
عيدن يزوّد هـم قلبـي ويدميـه=يصبح ويمسي عبرته فـي وتينـه
ياعيد قلبي نار الاشـواق تكويـه=وانته تنقّـض بالجـروح الدفينـه
نقضت جرحن بين الاضلاع كاميه=وابكيت عينن من جداهـا حزينـه
ذكّرتني ياعيـد ماكنـت ناسيـه=وخليتني لجـروح قلبـي رهينـه
جرحن جرحته واجب إنك تداويـه=لايصبح الموت المصفّـى خدينـه
يوم آتذكّر طول عمري وماضيـه=خطرن على قلبـي يبيّـح كنينـه
يتـوق قلبـي لاتذكّـر مغانـيـه=فالبر والاّ فـي ربـوع المدينـه
عمرٍ مضى بين الرجال المداليـه=الله يعوض ماغـدا مـن سنينـه
ويالله ياللي دبـرة الخلـق بيديـه=ترفع لنا بامرك شـراع السفينـه

الشاعر الكبير / ممدوح عبدالله المرزوقي البقمي