حلم السراب

اسعد الله أوقاتكم جميعاً

هذه اول مشاركة لي في هذا المنتدى الغالي ...

قصيدة اتمنى ان تنال رضاكم

جيتك حضور حضور وحضورك غياب=ياحاضرٍ فيني وانا عنك غايب

اللي نوى الهجران يلقى له اسباب=وإلا الوفا فطره بليا سبايب
حلم السراب ليا تقربت له ذاب=والديم يبقى في صدوق السحايب
ما كل من حولك من اصحابك اصحاب=ولا كل ربعك بالشدايد قرايب
فصلت من عزي على جسمي ثياب=وعودت نفسي لاتحرى ذهايب
الداب ناعم جسم والسم بأنياب=لاتخدعك ضحكة وراها مصايب
والا انا طبعي خشونة وترحاب=تعجبك وقفاتي معك بالنوايب
حتى لو الخاطر عن دروبكم طاب=يبقى الوفا فيني لو الحب غايب