علاج للمرارة بريالين

اخواني السلام عليكم ورحمة الله وبركاته
اللي يبي علاج للمرارة بعد إرادة الله سبحانه وتعالى يقرب

أنا خيالة بلي اكتب لكم هذا الكلام ويشهد علي من خلق هالأصابع الي اطقطق فيها الكيبورد على صحة كلامي
اختي الكبيرة الله مير الله يخليها لي تعاني من المرارة وانتم تعرفون اعراضها,, سنتين وما اكتشفوها إلا بعد فحوصات عند أكثر من مستشفى والمهم ما تأكل اي شئ إلا والآلام تفتت معدتها تفتت وتصير بحالة يرثى لها وحفظها مستوصف العفاري والأهلي من كثر ماتسري الفجر لهم ( مسويه معهم عقد إبر )الله لا يبلانا
واخيراٌ وبعد عناء تقرر لها عملية بالمستشفى العسكري ( وأنتم خابرين مواعيده ) وكذلك مستشفى الملك فهد قررعليها عمليه وقالت تسويها بالعسكري ( ياطول السالفة ) (اللي يتأفف مني ما اعطيه العلاج)

المهم جت الدوامات وسألتها صديقتها سويتي العملية قالت لا انتظر الموعد قالت بقول لك على وصفة من وحده سورية قرروا عليها عملية واستخدمت الوصفة ولما عملوا لها الأشعة مالقوا مرارة ,, وين راحت الله اعلم واستخدمتها خالتي ونفس الشئ ( علاج سحري)

وصفه ماتجي إلا بعد تعب قرايه ( لحظه من اللي قال ياثقل دمك )

الوصفه كاالتالي مدتها سبع ايام وهي تجيبون الفجل الأبيض وتحفرونه كأنكم بتعملونه محشي وتجيبون سكر نبات وتحشونه فيه وتغطونه وتخلونه في كوب من الليل حتى الصبح راح تنزل عصاره تملأ فنجان القهوة وسبع أيام على الريق
والله إن اختي المرارة مالها طااااااااري ( يارب لك الحمد )
وأنا متأكده إن المستوصفات فقدوها من غير شر
الفضل لله وحده
وأنا حبيت أقولها لكم ما ادري هل تنفع مع اي احد أنا لا أدري

وسلامتكم من كل شر

قصيييييييييييييييييرة السالفة مرة
وحده طفشانه
أم عبدالله عارفة تعليقك من الحين