شرهتي ماهي على ضعاف الرجال

شرهتي ماهي على ضعاف الرجال = شرهتي للي يعرفون الاصول
الاوادم جاهله حمولً ثقال = وانت والله جاهل اثقال الحمول
العنب واضح ولاكن ما يطال = يا جويهل لا تحسب انك تطول
الصقور ان كانت بروس الجبال = الثعالب بسفل الوادي تجول
بسئلك وان كان تفهم بالسؤال = ليه طالع وانت طالع لنزول
مثلك اللي ينضرب فيهم مثال = الكذوب الحاسد لزين العقول
الرجولة ماهي بلبس العقال = الرجولة بزين قولك والفعول
قالها اللي عارفً معنى الخيال = ما يعيش بهالزمان الا الخبول