لماذا نقبل النقص بالفنجال ولا نقبله بالكاسه

الأخ أحمد عوده العبيلي

جاء ردك
هذا الله ايسلمك عشان الاخ الي يصب لك القهوه طبعا ايكون واقف واذا امتلى الفنجال رايح ايكون كل وقته واقف حرام يتعب

أقول لك
مو شرط يكون القصد من إنقاص الفنجان عشان ما تتعب بصب القهوة
والله مره جاء عند الوالد رجل يسولف قصة مدري مغامره فلم هندي كيف ضاع البعير وكيف راح يتبع جرته وكيف مر بعشر ولايات بالديرة وقال القصة كاملة وهو طول الوقت يشرب قهوة وأنا واقف حتى ما قال لي أجلس صراحه كنت في هذيك الأيام صغير وحقدت عليه قلت بنفسي يا شيخ الله يجعل الأبل إلي عندك يضيعن وما تحصلهن توقعت بالأخير يقول أن البعير طلع أخوه من الرضاعة

يا فيه برود والله أنا لما يصب لي واحد قهوة وهو واقف والله كأنني جالس على جمرة ما ارتاح غير يجلس ودائماً أحلف على إلي يصب لي قهوة يجلس وإذا رفض اشرب فنجان واحد وبس