هذه القصيده أرسلها بدر بن عبدالله بن مبحل السحيمي البلوي عندما سمع أبيات من قصيدة لمحمد بن صالح بن هايل الفقير العنزي يشكو فيها من بعض الأصحاب فقد قال في بعض أبيات قصيدته :



أذا شفتهم يابـــو خلف أسفهـليت

وصارت همومي كل أبوها دقاقه

واليوم صدوا وأنا بالمثل صديت

لـــعن أبوهــــم يابركي من رفاقه



وبعد ماسمع بدر بن عبدالله بن مبحل السحيمي هذه الأبيات رد عليه بهذه القصيدة :





صقراً يابن هايل وعلى الجرح هديت

جرحاً سبايبه أهـــل الردى والنفـــاقه

جتني مراسيلك ولبنات فكـري نخيت

يردن عليك يابوصالح بعرف ولبـاقه

أبـك بس أنت اللـي من الخوه شـكيت

بلاك اللي أوحـس منهم بعقــله حماقه

ذكرتـــهم بطيب وزين ويقلون نميت

ليتــهم يــدرون مـا بالقـلب واعمـاقه

غلطتي ياذيب طيبي اللي بهم سويت

عســى الزمان اليـوم يغشاهم بعـاقه

من قفا ياخــوك ماظـــني لــه تعنيت

من قبلنا مابـــكى صـدام على عراقه