هذه القصيده للشاعر / محمد البياضي بعد الزياره التي قام بها مــع صديـقـه الشاعر/ خالد بن سالم السرحاني للشيخ / حمود بن حماد أبو شامه في منزله
وكانت الزياره مليئة بكل تقدير واحترام وكرم .



البـارحه في بـيـت أبــو خالد حـمود *** في بيت أبو خالد حمــود أبــو شامه


فـالمجـلـس الـليً دايـــم ٍفيـه موجـود *** دـيوان بــيــتـه مــدهــل ٍ للـنـشـامـه


صفر الدلال تساق به وأزرق العـود *** يـــدار شـيمـه فـي وجـيـه الحشـامه


أما الـعــلوم الـبـاقــيـه مـالـهـا حـدود *** لا جـيـت أبحـصيها تــرد بزدحامه


مـــن طـيـبها مـا تقبل النقص وتزود *** منهــا الــوفــأ والطيب والاحترامه


والـصـدق والتقدير والـعــز والجـود *** ويـمـيـزه فـعـلـه يـسـابـق كــلامــه


والمرجله بحزام جــاته مـن الـعــود *** شيخ ورقى بالـمجـد ذروة سـنــامـه


ورثـه أبـوه الفـعـل مـنه ومن جـدود *** ومن خال جُود به مـن ابـنـأ عمامه


خاله رجل معروف مــــا وده شهود *** أبــن عـلـي ســالـم رفـيـع ٍمقـــامـه


يالله عـسى مـا تـاكـل عظـامه الدود *** يــا مــن خلقت الخلق تـرحم عظامه


فــي جنة الفردوس يـــاخـيـر معبود *** تـدخـلـه يــا الــرحـمـن يــوم القيامه


ومريت أبــو خـالـد بلا سابق وعود *** لـقـــيــت وضـعــه مـــا تغير نظامه


مـاكـنـه إلا عــد راهــي ومــــورود *** يـــزود مــــاه لـيـرتـون الــحـيـامـه


يضحك حـجـاج الوجه ماهو بمعقود *** ويـقـــابـــل اللافـيـن بـــالإبـتـسـامه


جيته مــع صاحب من الناس معدود *** أبـــو ولـيـد الـفـخــرعــز وشـهـامه


خالد ولـــد ســالم علي حـر مـنـقـود *** والـلـي عـلـيـه حـمـود عـنـز غلامه


عنـز ولــده اللي رقــــى فعله سـنود *** شـيـمـه وتـقـديـر وأدب واسـتـقـامـه


خـالـد حمـود لموقـفـه فـعــل محمود *** فــي كــرمــة ٍ قـاموا بها من كرامه


بحلال أبـــوه اللي بذل كـل مجـهـود *** شـيـخ وزعـيـم ويستحق الــزعــامه


الشيخ فــيـهـا قــام وعيالـه عـضـود *** لـبــو ولـيـد الـمـعـتـلي كــل هـــامـه


وأستـقـبـلونا بالـحـفـاوه هـــل الزود *** ناس ٍ تعرف الضيف واجب اكرامه


ربع ٍ تـجـود بـجـود ماهـو بـمحـدود *** مـن خـوف لا يلـحق بعضهم ملامه


واللي بـهـم شـفـناه مـــا فـيه منـقـود *** مــا غـيـر زود الطيب مـيــة علامه


من شيخ ابن شيخ وعلى العز مسنود *** وعيـالـه اللي بالـمـواقـــف حـزامه


يالله عــسـى مـا يـــوم نـلـقاه مفـقـود *** وتــزيـد يــا رب الملأ فــي عـوامه


هـذا ولا لي بنظم الأشعـار مقصـود *** إحساس يقض هــاجسي مــن منامه


ترجــم وفـــأ شيخ وله الفعل مشهود *** والـلــي يـقـول الـحـق يـلـقـاه أمامه


نشكر الشاعر .. محمد البياضي وصح لسانه على القصيدة الشامخه والرائعه في مدح

الشيخ حمود أبوشــامه ... والشاعر محمد البياضي شاعر غـني عن التعريف ونفخر بما

سطرته لنا أنـامله .. ونتـمنى له التوفيق والسداد 0

والله ولي التوفيق