اهل الطيب

سر ياقلم واكتب لنا عشرة ابيات =واكتب من الشعر المصفى تعاليل

..أبيات شعبية لها يطرب الذات=وتبقى لنا ذكرى تجدد مع الجيل

مضمونها يشداء لميع الجنيهات =مكملة مافيه نقصن.. ولا ميل

ياليت لهل الطيب توجد علامات= حتى العلامة تنعرف بالرجاجيل

. ولا يصير بين الاوادم شباهات = وتبقى الحقيقه باينه كنها سهيل

وقتن تغير من جميع المقاسات=وهذا زمان فيه شفنا التهاويل

اشوف بأن البغض بين القرابات = وكلن على مايريد يعمل تفاصيل

لاقلت سير قال عندي شغيلات =والشغل واجد مير ماهنا محاصيل

نركض ورى الدنيا ونصف العمر فات = والعود الاخضر يزهو ايام ويزيل

ماينتهي شغل الرجل غير لامات = عسى ختام ايامنا بالتهاليل

من قصايد الشاعر الكبير:

عايد عبدالله البلوي .... من العلا

وتقبلوا تحياتي اخوكم

وسيع البال