* عايد السميري و الشاعر الكبير / محمد عوده بن رفاده ( أبو تركي )
وكان هذا الطاروق بتاريخ 9 / 2 / 1431 هــ
أتمنى أن ينال رضاكم ..


عايد السميري


يامحمد إن كنت صاحي وتوحيني يامرحبا بك وأنا حاسب إحسابك=( أقولها ) : وانت لا تلحقك شكه . والحمد والشكر لله سبحانـه
ياشيخ أبسئلك وأباك تفتيني عن غيبتك عام وش سبة إغيابـك=والرجل يقلط مايقعد على الدكه . والحمد والشكـر لله سبحانـه


ابو تركي

ياعايد ابشر بعزك تناديني وقت السعد يااجودي يمنا جابـك=اصرف ريالك وجنب عن الفكه .والحمد والشكر لله سبحانه
في موقع العز دور تلاقيني لكن انت غايب ولا تبدي اسبابك=ماشفت اثركم بطيبه ولامكه .والحمد والشكـر لله سبحانـه


عايد السميري


ياعوّد عمرك تعدا الثمانيني صل وتصـدق ولا تفتـل أشنابـك=والبيت مبني لك أبلكه أبلكـه . والحمـد والشكـر لله سبحانـه
أنا أدري أنك حليف العصابيني لكن بحدك وابضغط على أعصابك=اللعب حكم العب العب وقول أكه . والحمد والشكـر لله سبحانـه


ابو تركي


قضيت عمري على الشرع والديني ماني بناشدك وش داخل كتابك=ياراعي المال مالك معـك زكـه . والحمـد والشكـر لله سبحانـه
والنعم في عزوت(ن)تقضي الديني ماني بحاسب لسيفك ومشعابك=الحكم مدبول والعب وخذ صكـه . والحمـد والشكـر لله سبحانـه


عايد السميري


قبل التفاصيل شوف العناويني ياسيـد العـرف يابعـد مجنابـك=خذ لك قسيمه وعود مع السكه. والحمـد والشكـر لله سبحانـه
يا بن رفاده لو أرميك من عيني ماتطيح لو إن سهم العتب صابك=لكّن المنايا حواليك مصتكـه . والحمـد والشكـر لله سبحانـه


ابو تركي


أذكر لمولاك واخزالشياطيني واترك طريقن يوديك لانشابـك=مااطيبك يالرز ابو بنت والبكه. والحمد والشكـر لله سبحانـه
ماتاصل الرمي مابينك وبيني يابن السميري بدنياك وش رابك=من لا يدك المنايا تبى تدكه . والحمـد والشكـر لله سبحانـه



عايد السميري


ياشيخ ياللي تأم المصليني خطوة خويك تـودي لمحرابـك=وما اقشرك يالدربكه والدرابكه . والحمد والشكر لله سبحانه
دام أحتزمنا وصرنا فريقيني قانون عندي ورح علم أصحابك=اللي أيتحكحك بطلقه نبا نحكه . والحمد والشكر لله سبحانـه


ابو تركي


ياطير ياللي نهضت الجناحيني لوطرت فالجو ياهون مقضابك=الموت واصلك ماحاصلن فكه . والحمدلله والشكر لله سبحانـه
الحكحكه من طبوع المساكيني علم (ن) موكد وعلم به احزابك=الرمي ماوده يدين مرتبكـه . والحمـد والشكـر لله سبحانـه



عايد الســـميري


صوب السماء نظرتك لو تباريني تبقى على الأرض محبوس بثيابك=لكن باب القشر ودنـا نصكّـه . والحمـد والشكـر لله سبحانـه
ياراعي العلم ياللـي توصينـي سلمـت والـدم مانـاش مخلابـك=وعركوزك اليا أرتبكت إجلس و ركّه . والحمد والشكر لله سبحانـه