ياهاجسي

قصيدة الشاعر\سعودفالح ابن رويحل بمدح ناصرمسعدابن رويحل

ماعاد انا ياهاجسي ويا احتمال= لابياتي اللي وسط جوفي واقفه=
وسمر الليالي كنها صفر الجمال= تسري حروفي فوقها مترادفه
حروف شعر مرتبه ماهي خيال= مثل الجيوش اللي سوى متحالفه
ومن الترابط لابغيت اضرب مثال= كن البيوت من الهوى متوالفه
تاصل سديد الراي مطنوخ الرجال=اللي كلامه صدق ماحد يخالفه
ناصر طويل الباع منتوع الخوال= قايد مسيرة ربعه المتكاتفه
من طيب راسه مايشيل الا الثقال= ماياقف الا بالعلوم النايفه
له مجلس وسطه بغاديد الدلال= ترهي على جال الجمر متراصفه
تلقى بوسطه دوم طلقين السبال= مافيهم اللي يلهدك في سالفه
وان عودت للهوش وقبال العيال= كلا يعرفه زين ماني واصفه
هذا ابو باسم معدنه مثل الريال= يبقى ذهب مصيون كلا عارفه
يبقى علم مرفوع في روس الجبال= مايبيده طول السنين العاجفه
واكيد انا ماكملت به كل الخصال= تاقف حروفي تعتذر له اسفه