اهداء مع التحيه لمنتدى بلي والقائمين عليه الذين حفظوا امجاد اهلنا وعذرا من القصور




ابتدي بالبسمله من قبل مجنون الطواري = وازبن المزبن شديد الباس والله مايخلي
جتني الدعوه وانا لعيون ربعي قمت اماري = جيت اابا ارحب واهلي بالمرحب والمهلي
ليلتي والليل له فارس وانا فارس مساري = امتطي صهوة سحاب القاف وارعد واستهلي
وابهج كبود العطش والمضميه ترد الخباري = وادعي صدور الشقا يامن بها الريم المفلي
والخبروان مرني للمنتدى واوحيت طاري = قمت له كلي شعور وجيت له من غاد كلي
منتدى يجمع بلي لمواكب الركب الحضاري = لاسلبها عز روس ولا حدرها درب ذلي
الشجر لولا جذورا تستقي من نبع جاري = فوق مالقا به نضيد وتحت مالقا فيه ظلي
بارك الله بالغيور اللي على السمعه يداري = وبارك الله في رجالا تبذل الجهد المملي
حافظين امجاد اهلنا لجل يدري كل قاري = اننا قوما نصرنا الرسل بسيوفا تسلي
في بدر شف كم شهيد وشف صحيحين البخاري = وفي بلاد الشام هلل قايدا منا مصلي
وبعدهاعصر الجهل والعنصريه والمثاري = ان زعلنا موتن احمر وان رضينا فرش
نتبع الحر المجرب كنه الجبعا الصواري = نقلها نصبة شجاع ورميها ذبح المغلي
اشهد انه راس قوم وحد سيف بكف ضاري = من بغى خيره لقاه ومن بغا شره مولي
ومن بنات السيف فيه مواصفة حدب الشباري = وراس رمح وفيضتن خضرا ووجهن مسفهلي
لبسوه الجوخ والنيشان والتاج الوزاري =وله جيوش الترك تعرض كل عقدا مايحلي
وحل حبل المشنقه عن روس جسرين الغداري = روس حامين الدبش ماهم حوش من طير ياللي
مجدنا مثل الذهب يفرق عن السوق التجاري = وماحفظ مجد الرجال الا رجال بروس ملي
كل وجهن ماه غالي غير وجه بليس عاري = ولا يسلي راعي الفزعه عن الفزعه مسلي
سقتني ياعنفوان القاف للفرن الحراري = لين ذابن الضلوع وجيتكم من غاد كلي





الشاعر/ سليمان حمدان بن جبيل البلوي