ترفق لاتزيد الهم ....!!!

ارجوا ان تنال على اعجابكم...

سقا الله داركم مـزن ٍمطرها وابلـه همـال
تبـات بروقهـا تنور وجه من طول غيابـه

غدى من بعدكم قلبي على نار وعلى ميهـال
غدى من بعدكـم عايف جميع أهله وقرابـه

ألا ياصاحبي عطني علومك مختصر وجـزال
تطمـن من سـأل عنك وشوقة ذوب ألبابـه

ترى بعدك عن محبك حبيبـي متلف ٍبالحـال
غديت بدنيتي كني سجيـن وجاهـل أعقابـه

ترفق لاتزيد الهم ترى بي من همومي أعضال
حسيبي لوحملها طـود تحول خالـط ترابـه

اصبر قلبي المشتاق ولاضي الشوق بي شعـال
ولاادري منتهايـه وين وفكـري ضيع حسابـه

وش اللي حتم الفرقـا وش اللي بدد الآمـال
سوأل بخاطري دايم وابحث لـه عن ايجابـه

تكلم لا تخلينـي شـرى التايـه وليلـة طـال
وحيـدٍ في خـلا ًخالي ينـادي ولاأحـد ثابـه

وتقبلوا تحياتي...