هذا خلف فالح ربيع المسايير

بسم الله الرحمن الرحيم

مساكم الله بالخير اخواني الأعزاء اعضاء و زوار منتدى بلي الرسمي
و يسرني التواصل معكم في هذه المصافحة و هذا النص الذي يشرفني ان اقدمه اهداء
للشيخ \ خلف بن فالح السحيمي البلوي ..بمناسبة فوزه في مزاين الابل
والذي اقيم في منطقة تبوك .

سلمت يا شيخ ٍ نقى له مغاتير = اللون وضح مجـــودات ٍ جلالــه
ما خيبـبـّـه يوم وردن على البير =جابن له الناموس والفوز جا له
اللي سعى للخير يستاهل الخير = يغنيـه رب العالمين بجلالـــه
هذا خلف فالح ربيع المسايير =فعل الجمايل حطـها راس مالـه
يعطي خفى من دون يدري بها الغير = مـدة يمينه تختفـي عن شمــاله
و يهـدي بكار ٍ كنهن النواويــر = ولا يعطي الا الطيبة من حلالـــه
في مجلسه يفوح هيـل المباهيــر = وترحيبة ٍ في وجه من هو عنــا له
و يذبح من القعـدان صفـر و مغاتيـر= من مقنـوي والا بـغالي ريــاله
والمدح ما جابـه بجمع الدنانيــر = إلا بفعول ٍ طيبـات جزالـــــه
والذكر مايقصر عن اللي بهم خير= ربـعٍ لهم في قمـة المجد طالـه
أخوان خمسـة كل ابوهم نوادير = كلن يقـول الجـود حقـه لحالـــه
عسـى النعيـم اللي سكنها المسافيـر=يسكـن بها عوداً هذولا عياله
و ختـامها مني سلام ٍ و تقديـر =اعداد ما هل المطـر من خيــاله
و صـلاة ربي عد ما غرد الطيـر= على الرسول اللي بعث بالرساله

\\\\\\\\\\\\\\\\\\\\\\\\\\\\\\