قم للمعلم وفه التبجيلا .. كاد المعلم ان يكون رسولا

[size="5"]يعطيك

العافيه أخت نوره عالموضوع الذي يدور حوله الف سؤال واكثر من علامة إستفهام

في البدايه حبيت اشارك في الموضوع بحكم أنه مجال عملي في المستقبل القريب ..

وبحكم إحتكاكي في مجال التدريس والمعلمين في الوقت الراهن في فترة التطبيق

وماأراه في هذه الايام من كلام يدور ويتمحور حول المعلمين فأنا أريد ان أطرح رأيي :

اسباب الشرود الذهني للمعلم وعدم الاهتمام بالحصه:

اولا : المشاكل المنزليه (الاسريه)كثير من المعلمين اشاهدهم في غرفة المعلمين

في حالة سرحان وعندما يسأله المعلم الاخر عن سبب شروده الذهني يقول مشاكل

والبيت والاطفال و و و و والخ والمعلم الذي كان يسأل يتنهد ويقول خليها على الله

علما بأن الشيب اخذ من نصيبه معهم هذا سبب وأوفيه بعد قليل

ثانيا : المعلم يبقى معلم فتره طويله من الزمن وخصوصا انه بالمدرسه يوجد معلم

خبرته اكثر من 20 سنه ومازال معلم هل تقارنين هذا المعلم وخبرته بموظف اقل خبره

منه في مجال اخر غير التعليم لو ان موظف اخر وخبرته اكثر من 10 سنوات في اي

مجال غير التعليم لاكان له ثقل في المجتمع ووزنه والكل يحترمه بسبب وصوله في

هذه الفتره الى مناصب ومراتب عليا ...ويطول الكلام عن هالموضوع ...الخ

ثالثا : الرواتب والدخل المادي للمعلمين ضعيفه جدا الا في الايام القليله الماضيه تم

تحسين سلم الرواتب لدى المعلمين وتحسين المراتب ..


رابعا : المعلم لاتوجد له صلاحيات مثل المعلمين السابقين لايوجد بيده للتعليم او التوبيخ

الا الدرجات يهدد فيها الطالب وشي رايته بأم عيني ولي امر طالب جاء الى احد

المعلمين في المدرسه يقول ليش توقف ولدي بالحصه لانه ماحل الواجب <<والله

المدرس ناسي ولا كان جاب لولدك عصير برتقال وقال حبيبي لاتحل الواجب كل يوم تعال

ويهدد كمان انتوا ماعندكم تعليم وانتوا وانتوا طيب انت وش دورك بالبيت قهاوي

واستراحات ومجالس ولا ايش..؟ مافي احد جاهل هالايام كل طالب بالمدرسه معه دفتر

متابعه يكتب فيه مواعيد الحفظ والواجبات والمفروض الاهل يشوفون هالدفتر ويقول قوم

حل واجباتك لاننكر عدم اهتمام كثير من الاهالي بابنائهم كله دفتر قسم بالله يشوفون

وضع ولدهم باقل من خمس دقايق مو صعبه يتصفحون دفتر المتابعه لو انه زواج ولا

خطوبه الكل انششغل فيه ولا رحلات الكل اهتم فيها والواقع قدامكم وتفرجوا <لاتعليق


بالنسبه للجهل وامية كبار السن لما جات الاسهم اكبر مثال الكل صار يقرى ويشوف

ويطلع عالاسعار واسماء الشركات والاعمى يمكن ابالغ صار يشوف ويبصر يعني لو

مهتمين كان مسكوا عيالهم وتصفحوا دفتر المتابعه <مانطلع عن الموضوع


ولانستطيع ان المعلمين الحاليين كلهم كفؤ لا ابشرك معلمين بالمدرسه غياب عن

الحصص واهمال للطلاب وعدم الاهتمام بالتحضير والاهتمام بتجهيزات السفر والرحلات

الجماعيه للمعلمين وانتوا ادرى وين يروحون المهم انه ايضا هناك معلمين يتحرشون

بالطلاب ومعلمين يتعاطون المخدرات ومعلمين غير مهيئين للتدريس ووو الخ ...

ولانريد ان نهضم حقوق المعلمين المبدعين في عملهم وفي تحضيراتهم هناك الكثير

والكثير من المعلمين الكفؤ واصحاب العقول النيره والخبره التي افادوا بها كثيرا وخصوصا

ابتكاراتهم لطرق تدريس سلسه جدا وممتعه ومشوقه للطلاب لم تدرس في الجامعات

ولا غيرها وانما من نسج خيالهم وتفكيرهم وان ددل على ابداعهم واهتمامهم بالتدريس

التي استفدت منها انا شخصيا ولا زلت استمد منهم الطرق المثلى للتدريس جزاهم الله

خير ووفقهم وسدد خطاهم ...


لكن نريد الصحوه من وزارة التربيه والتعليم لهؤلاء المعلمين وتهيئتهم وتحسين

مستوياتهم والمراقبه عن قرب وزيارة المشرفين التربوين للمدارس والاطلاع عن قرب

للمعلمين وتقييم مستوياتهم وعمل دورات ثقيفيه للمعلمين وتزويدهم بالمعارف والعلوم

التي تعينهم في التدريس ..؟


شطحه < في اليابان المعلم الذي يدرس الصفوف الاوليه لمدة خمس سنوات يحيلونه

الى التقاعد ..في امريكا بعد عشر سنوات ... في السعوديه يتقاعد ويشيب راسه وهو

للحين صفوف أوليه وفيه سلبيه لهذا النمط انه ياخذ افكار الاطفال واطباعهم وتكون حياته

العمليه ممله ومتكرره وكل سنه نفس المنهج والافكار مافي تجديد يعني مدرس شايب

يدخل مجلس الرجال وهو يطلع اصوات تفحيط زي البزران بسبب انه اخذ فكرهم وعقليته

كانت تصاحب عقولهم منذ زمن وراح فيها << يارب جعلني اموت ولا اوصل هالمرحله






طبعا لاتقولون متحيز بحكم عملي ترى باقي ماتوظفت انتظر التعيين بس قسم بالله ان

التدريس متعه ومشوق ويكفي انك تعلم الاطفال حرف وتكسب اجرهم لو نويت هالعمل

خالصا لوجه الله تعالى وحده ..



<<<<<<كانت وجهة نظر عن موضوعك بحكم احتكاكي بالمعلمين ورؤيتهم عن قرب

قد اكون اصبت وقد اكون أخطأت لكن وجهة نظر حبيت أقولها وماراح تغير شي..؟

تقبلي مروري ...في النهايه المعلم بشر قد

يصيب وقد يخطئ ولا نسسى انه له الفضل الكبير بعد الله في تعليم البشر (من علمني

حرفا صرته له عبدا)

[/size]

ماشاء الله كفيت وفيت من ايجابيات وسلبيات

نعم المعلم بشر ربما يخطئ وربما يصيب

ونتمى من وزارة التربيه ان تنظر في بعض المعلمين الجدد وحالتهم النفسيه
هناك من عندهم مشاكل نفسيه وخاصه في حسن التعامل وتحمل المسؤليه والصبر
وهؤلاء يتم تعيينهم ...
ومن ثم يسلم لتدريس الصف لاول ولا الثاني غير يجننهم ويجننوه
لا بد من معلم عنده خبره هو من يستلم هذه الصفوف


واشكرك على التواجد و التعقيب المميز للموضوع