اه ياحزن الصغير اليا كسى وجهه ذهول= تذبل الضحكه بعينه مايمزيها جهله
جوه بجموع الحزانا جمعهم عنده يهول= وجيه عاشت بالمصيبه والفرح ماتقبله
اه من حر الموادع خص ماتقدر تطول = حظن ابوك اللي تقفى في خضم المساله
الجباره والسطاره والشجاعه للزحول = والشهاده نوط عزً حظ منهو حصله
يوم دنت للوغى حرب البغى بدق الطبول= وانكشف قبح القبيح وبالحديد نسربله
ماتوانى ماتاخر ماعرف معنى الخمول = الصعب من قو باسه لو قسى يستسهله
نايف الرائد مظلي جعل روحه للقبول = وياعسى الجنه فراشه ياعساها مدهله
من لوء الامام فيصل ماتردد بالدخول = ودع الدار واهلها ماجلس في منزله
جاوب اللي من غلاها تسلب الباب العقول = الحرم فيها وحنا نرتوي من مدهله
منبع الاسلام داري فيه من ريح الرسول = ومن نواها بشر يقنص نذبحه من مقتله
لو يطول الوقت نصمد درع بوجيه الخبول = والعدو ان كان صادق شاربه مايفتله
طنخة عيال الجزيره ماهوو ذات الحجول = وكم شهيداً راح منا للمخاطر يدهله
تحت امرك يابو متعب ياعمى عين العذول = بالجبل ننزل مظلي والبحور نقفله
نردع الحوثي عن ارضً ماتدنسها العجول =(وصك غفرانه من اللي علفه ثم تح له)
تخسى الزمره الخبيثه لاتصول ولاتجول = والنصر من عند ربي والامور مسهله
واه ياحزن الصغير اليا كسى وجهه ذهول = يستفز الشاعر اللي به هجوساً مقبله
فخر بلي ( حزن الصغير )
رد مع اقتباس
المفضلات