قصيدة الروض

أسمح لي بتنسيق بسيط

أبـــدا بــذكــــر الـلــه فـي كـــل مـلـفـــوض=اللــي عـلـيـم بالـهـنــاء والتـعـــاسـه
وقــال الـربـيــضي والـقــوافـي عـلى أوض=وكلا يعبر من مشـاعــر أحســاســه
وردت هـجــوسي ورد طرش علي حـوض=واقـل مـاه وتـالــي الطــرش داســـه
هـاجس بـرمحه بين الأضلاع مشـضـوض=وهاجس ملاء من قاطر القلب كاسه
وهاجس يكز النـفـس بـالـكــون ويـخـــوض=ويـلـبـس الـنفس العـنـيــدة لـبــاســـه
وهـــاجس يبين وهـــاجس يـدق بـخــــوض=وهــاجس إليـا منه لفي العقل حاسـه
وهاجس خفي وداخـل الـقـلـب مـحـفـــوض=مـــــابـيـنــه راعـيــه لأعز نـــاســه
والصبر لو هو طــال مـا يـشـفـي مــروض=مثل الستار بـليل طــايـل دمـــاســـه
شكــواي للــي يــقـبـل بـــدون مـعـــروض=وأبــواب تـفـتـح مـاعـلـيـها حـراسـه
مبــدل الـســايــات حـسـنــات ويـــعـــوض=يعيض عبده عـقب مــاطــال يـاســه
والرزق في دنياك أقــــسام وحـــضـــوض=الرزق مثل المــوت صعـب قيــاسه
واللــه لولا ســجـتــي لا اهــل الـــروض=اللي مجـالسـهــم لـقـلـبــي ونــاســـه
وأربــع كـتـبـهـــا الـلــه على العبد بفروض=حب الوطن والــديـن وأهـلــه وناسه
وربعي كما ضـــلع وأنــا فيـه مـنـهـــوض=أهل الكرم والديـن وأهل الـفــراســه
وأصحاب أنا في عرفهم صرت محضوض=الـشـمـري والـوائــلي عـــاش راسه
أهـــل مجــالس مــابـهــا عـلــم مـنـقـــوض=فـنـجــالهــم يجـلي الكدر مع عماسه
لا أرحل عن الديره كمـا الـطـيــر وأنــوض =والـعـبد رزقه عند مخضر يـبــاســه
وصـــلاة ربــي عــدمـــــا بـــارق يـنــوض=علــى نـبـي طــاغــي الـشـرك داسه

صح لسانك ولاهنت يالغلا


جواب كافي