يعطيك العافيه اخي / اخويزيد
وابي اقلك رحت عمره وتذكرت اخوك يزيد وطبعا المنتدى ومافيه ودعيت له وعسى الله يتقبل دعائنا
نرجع لموضوعنا
تصدق اني احسد اللي جالسات في بيوتهن ما هو حسد المكروه ولكن هن في نعمه ماايعرفها كثير منهن
_ لدي من الصديقات متزوجات وهن يصرفن وازواجهن
اللي ماخذ الصرافه وماتشوفها ويويلها تطلب
اللي حارمها من أن ترسل لاهلها شي
اللي مايصرف عليها شي عندك راتبك ومالي دخل فيك ويويلها تطلب لو تحتاج
اللي ساحب من البنك وعلى ظهر المسيكينه
واللي بني بيته على قفى زوجته وتزوج عليها وسكن حرمته الجديده فيها
واللي كاتب عليها تعهد خمس سنوات راتبك لي واذا موب عاجبك بيت اهلك لما يخلص بيته الجديد
الى نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعيالخ نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعيالخ وياما في الجراب ياحاوي

وانا اتفق مع الاخ الجريح في دور الام في البيت بلا وظيفه بلا هم رغم ان الانسان يحس بستقلاليته وشي خاص فيه ولكن مافيه احلى من البيت والزوج والاولاد مهما كابرنا وتمسكنا بحقوقنا الحمدلله نحن في السعوديه مدلعات ومخدومات من قبل الاب والاخ والزوج
ومجبور انه يصرف علينا اتخيل لو اني في مصر
الشقه عليه والعفش علي واذا تهاوشنا كلا يأخذ اللي جابه مع قائمه طويله عريضه مخبينها لليوم الاسود
اللهم لك الحمد على العافيه
ومع كذا اعترف بدور المرأه والله ان بعض الحريم يسوون عشرين رجال وانا تدير قبيله كامله بعقلها وتفكيرها وثقتها بنفسها وثقة اهلها فيها
وسال الله ان يرزق جميع الخريجات الوظائف سواء في السلك التعليمي او الصحي او الاعلامي او اي سلك اخر بس ابعدن عن وظائف بنده على الكاشير موب عدله ابدا احسها اهانه للمراه السعوديه( وبداية لمن يدس السم في العسل) من العلمانييين وتشجيع على الاختلاط والجراءه
في اقتحام جميع الاعمال
هذه وجهة نظري ولكم الحق في قبولها او عدمه
واسفه على الإطاله وتسلم اخو يزيد