من العيد

السلام عليكم ورحمة الله وبركاته
من العايدين وكل عام وانتم بخير
تقبلو مني هذه المشاركه المتواضعه
وهي عباره عن معايده شعريه بيني وبين الشاعر الكبير خالد سالم

قم لاتجيب العيد والناس في عيد=لله حكمه في تصرف عبيده
مالك ومال أهل الخزاء والمناقيد=إن ماخذيت من الحطب لا تزيده
مالك ومال المخالفين المواعيد=عن ذكرهم نزهت بيت القصيده
قم سج رجلك واحذر تواجه الغيد=يفتنك لباس العباه الجديده
يرمي بعينه مثل رمي البواريد=مايميز أهدافه قريبه بعيده
يمشي غنج كنه بحزم الجلاميد=أقصى طموحه كيف يشحن رصيده
هذا كلامي دون شجب وتنديد=موجهه لأهل الخصال الفريده

ياهايل زيدان زدني وأنا أزيد=الفكر واسع والمساعي حميده
ماوالله أسكت والضوامي مواريد=على القليب اللي عيونه عديده
أبا أحتزم من دون حق الأجاويد=دام العداء اللي بالزمن مستفيده
من دون جرح شعور لنقص ولا أزيد=والله يفعل بالبشر مايريده
وإن عاش راسي يابعيد المقاصيد=لابد مابالعمر رحله سعيده