اليـــــــــــــــــــــــوم الوطــــــــــــــــني

قصيدة الشاعر خالد سالم السرحاني بمناسبة اليوم الوطني



اليــــــــــــــــــــــــــوم الوطــــــــــــــــــــــنـي

بالنيابه عن بلي ربعي هل العلم الثمين = باتغزل بالوطن من بعد عيد المسلمين
الوطن حقه علينا مثل حق الوالدين = والعلم مرفوع والسيفين والنخله عليه
ياوطن لك يوم بالتاريخ ثابت كل عام = تستحق اكثر من المعهود يا دار السلام
دون حقك تنضب الأشعار ويضيع الكلام = والعلم مرفوع والسيفين والنخله عليه
في قيادة خادم البيتين ياعذرى البلاد = كل يوم بزود مايعرف محياك السواد
واقفا" عمرك على خمسة عشر ونتي جماد = والعلم مرفوع ............
مالك الا الشهم ابو متعب وحنا من وراه = لاتخافي دام حنا كلبونا في حماه
غطرفي له كل دم الشعب دونك يا فتاه= والعلم مرفوع ............
والعضيد الشهم ابوخالد ولي العهد فيه = وقفا" دونه ودونك عن تصاريف السفيه
ياعساه بخير والشر المبيت ما يجيه = والعلم مرفوع .................
وطالعي بالنائب الثاني بعينك وارقدي = ماعليك امن الغرير اللي يضل ويهتدي
واقفا" وقفة رجل صنديد ضد المعتدي = والعلم مرفوع والسيفين والنخله عليه
والختام الله يعيد اليوم وانتي في نعيم = ونحتفل في كل عام وطرفك الثاقب سليم
والصديق ابخير واللي له نوايا بالجحيم =والعلم مرفوع والسيفين والنخله عليه