ابيات هجائيه00

هذي ابيات امل ان تحوز على رضاكم

00

اكسب رجال معرفتهم غنيمه
رجال محسوبين في حسبة رجال

ماهم سواتك معرفتهم ظليمه
ياللي حياتك كلها هبال فهبال

توي دريت ان النوايا مقيمه
من باعنا بريال بعناه بريال

مسكين حالك والمراجل عديمه
اللي تعرفه بس تحويل جوال

اول احسب ان الصداقه حميمه
توي حسبت احساب راعين الاقوال

توي دريت انك سوات البهيمه
الهرج واجد بس ماعندك افعال

قاضي حياتك كلها باالنميمه
فلان قال علوم وفلان ماقال

ليت النوايا كلبوها سليمه
نيتك ماتصفي ملكع ومحتال

لخبث النوايا فوق خدك وسيمه
رذيل فعل وصحبتك كلها ارذال

ماعاد لك بالقلب قدر وحشيمه
وقفلت مابالقلب عنكم بالاقفال

لا بالله إلا صرت من دون قيمه
ان جيتنا تمثال وان رحت تمثال

احذرك ترى العواقب وخيمه
فعلك ردي وشاربك مابعد طال

دايم معودها لكسب الهزيمه
وعلومك اللي جبتها كلها هزال

تبغى الصحيح فراق مثلك غنيمه
روح على فالك وكلن على فال

كل ما قرأته في الأعلى كلمه كمله وشطر شطر وبيت بيت



في قمة الإبداع الشعري ومن أقواء القصائد الهجائيه التي قرأتها


وكل ذلك لا يهمني بقدر ما يهمني تواجد شاعر بحجمك وبموهبتك يا عبدالسلام



سعيد ومبتهج في كل ما وجدته هنا



صح لسانك وكلك


تحياتي لك وتقديري