{{ قـــســـم الـــشــعــــر بــالـــحـــال يحــتـــاج تقــيــيــم }}

دارت هذه المساجله الشعرية بين كل من الشاعر / عبداللطيف محمد الحمراني

والشاعر / محمد عودة القويعاني

وعندما قرائتها وجدت بها من الروعة والمعنى والابداع

مما أجبرني على طرحها هنا بين ايدي الجميع لمطالعتها

واتمنى ان تنال اعجابكم

قصيدة الشاعر /عبداللطيف الحمراني :

من وحدة الاسناد قسم التصماميم =من مكتب الاشراف سقت التحية
للشامخ اللي ما يكب اللوازيم=الصادق اللي مايخلي خويه
صدرت له عاجل خطاب التعاميم= يلزم عليه يشوف حل القضيه
قسم الشعر يحتاج بالحال تقييم = وانته صعوط الشعر وانته خويه
بعض القصايد ودها منك تلحيم = ولا على سكراب سقنا المطية
وبيوت مهزوزه تبي صك ترميم=وانته مهندس خبرتك عالميه
هذا خطاب اللي بقسم التصاميم= ومن مكتب الاشراف جتك التحية

وهذه قصيدة الشاعر/ محمد القويعاني

من صمت نظره تجمع الموج والغيم=بعيد عن نهج وشقا العسكريه
تحديدآ بشرما على الشاطي مقيم = يوم الخميس العصر والشمس حيه
مرتاح تفكيري من السين والجيم=الا من اللي له علي اولويه
الكفو رغباته تعادل مراسيم =واعدها عن ما سواها بدية
ارخص له اللي بالذهب كل ماسيم=يغلى على السايم واجيبه هديه
وعلى الشرف ارقى الذوايق معازيم=وحيا الله اصحاب الجزيل وذويه
جا شعر يستاهل على شانه اهيم=جا فكر متجدد ونظره مديه
جا شاعر عن اللي سوى الجزله يشيم=واوراقه عن اللي ماتسوى غنيه
عبداللطيف من الرجال الشغاميم=فعله بساط اخضر وكفه نديه
اطرائه ومدحه شهادة وتكريم=ووسام له قيمه على صدر خيه
اخو وقدم صادق النصح تقديم=لأجل هدفه السامي بطيب نيه
يقول حسب الانظمة والتعاليم=لازم تحل اوضاع هاذي وذيه
واقوله نبغى تكاتف وتصميم=من كل من يملك عصى مقدريه
قبل الغبار يسمم الجو تسميم=والارض تفقد عامل الجاذبيه
القسم شعره صار محتاج تقسيم=والشعر قسمه صار حمال اسيه
قضيته مايحلها الى ابراهيم=الي على الابداع يحمل وصيه
نجمه ملا اركان السما والاقاليم=واطفا نجوم بقوة اشعاع ضيه
حضور ابو ياسر ومن مثله يقيم=للشعر وزن وقيمه وقابليه
من روئيه اخرى ما عليها اي تعتيم=انشهد انه رجل طيب وحميه
الشعر لوأنه دراسه وتعليم=علم جميع الناس الابداع زيه
لاكن قل لملهلمين اللهاليم=نفوسونا مما تسوو بريه
وان لف كف الظلم حق المظاليم=نضحك غبن وانقول شر البليه